Ахметжан айтыпты

 1 784 0

        2012 жылы Байқоңыр қаласында аймақтық айтыс болып, Тараздың белгілі айтыскер ақыны Ахметжан Өзбеков пен қызылордалық жас ақын қыз Мөлдір Айтбай қызықты қыз бен жігіт айтысын жасайды. Сөз бастаған Ахметжан ақын:

«Қарындас, сізбен болсын жұмысымыз,

Бойжетіп өзгеріпті жүрісіңіз.

Науқанға білек түріп кірісейін,

Ораққа келіп қапты күрішіңіз» деп салған жерден тап береді. Оған жас ақын қыз Мөлдір:

         «Әзілмен әңгімеңді бастап алып,

         Сөйлейсің жыр шегеңді тасқа қағып.

         Жең түріп күріш орам деп келгенде,

         Масақ теріп қайтпағын масқара қып!» деп қалжыңды қыздыра түсіпті.

Сонда Ахметжан іле-шала:

         «Қыз емес, қыздың аты қызыл алма,

         Көркіне қараған жан қызығар ма?

         Масақ теріп қайтардай, менен бұрын

         Келіп кеткен біреудің ізі бар ма?» деген екен.

ПІКІР ҚАЛДЫРУ

Ваш адрес email не будет опубликован. Обязательные поля помечены *